Алтансан хорооллын СӨХ-ийн дарга цахилгааны мөнгө нэхэж, айлын хаалга эвдэж, танхайрчээ

Ж. Нямсүрэн
Admin - Сэтгүүлч
2 сар өмнө
Алтансан хорооллын СӨХ-ийн дарга цахилгааны мөнгө нэхэж, айлын хаалга эвдэж, танхайрчээ

Засгийн газрын тогтоолоор энэ оны 12 дугаар сарын 1-ээс ирэх оны долоодугаар сарын 1-нийг хүртэл айл өрхүүдийг цахилгаан, дулааны мөнгийг төр хариуцахаар болсон.

Тэгвэл Баянзүрх дүүргийн 22-р хороонд байх Алтансан цогцолбор хорооллын оршин суугчийг “цахилгааны мөнгөө төлөөгүй” шалтгаанаар СӨХ нь цахилгааныг тасалжээ. Цахилгаанаа таслуулсан оршин суугч уг асуудлаар СӨХ-ийн даргадаа хэлж, Засгийн газрын тогтоолыг сануулсан байна.

Харин өнөө өглөө СӨХ-ийн дарга Д нь тухайн айл руу дайрч, хаалгыг нь эвдэж, оршин суугчийн хувцасыг урж, танхайрсан байна. Тиймээс цагдаагийн байгууллагад дуудлага өгчээ. Гэвч тухайн байранд “коронавирусийн халдвар гарсан” гэдэг шалтгаанаар цагдаагийн алба хаагчид байр руу ороогүй бөгөөд СӨХ-ийн дарга Д-тэй утсаар ярьж, сануулжээ. Тухайн иргэн тус байрны нэгдүгээр орцонд амьдардаг бөгөөд хоёрдугаар орцонд нь амьдардаг айлаас коронавирусийн халдвар гарсан гэх шалтгаанаар цагдаагийн хамгаалалтад аваад байгаа аж.

СӨХ-ийн дарга ажил үүргийнхээ дагуу байрныхаа бүх орцоор орж, гардаг учир халдвартай иргэний хавьтагч байх эрсдэлтэй. Гэвч айлын гэр рүү дайрч, танхайрч байгаа нь нөгөө талаас халдварыг дамжуулах эрсдэл ч харагдаж байгаа юм.

Хаха 9 39 Буруу 5 Гайхмаар 5 Харамсалтай 2 Хөөрхөн

Сэтгэгдэл бичих

АНХААР! Сэтгэгдэл хэсэгт ёс бус бичвэр оруулахыг хориглоно. *

Сэтгэгдэл

Нийт сэтгэгдэл 47