Халдвар авсан жолооч ажлынхантайгаа салхинд гарчээ

Ж. Нямсүрэн
Цахиур - Сэтгүүлч
2 сар өмнө
Халдвар авсан жолооч ажлынхантайгаа салхинд гарчээ

Тэнүүн-Огоо ХХК-ийн автобусны жолоочоос коронавирусийн халдвар илэрснийг ЭМЯ өнөөдөр /2020.12.29/ мэдээлсэн. Ингэхдээ тухайн жолооч нь арванхоёрдугаар сарын 24-нийг хүртэл ажилдаа явсан учир 20-24-ний хооронд Шархад-Зунжин чиглэлийн автобусаар зорчсон иргэдийг шинжилгээ өгөхийг зөвлөсөн.

Тэгвэл тухайн халдвар авсан жолооч Б нь Хавдар судлалын үндэсний төвд нас барсан иргэнийг оршуулах ёслолд оролцжээ. Харин маргааш нь байгууллагынхаа арван жолоочтой хамт  БЗД-ийн Улиастай орчимд салхинд гарч, пиво ууцгаажээ. Ингэхдээ нэг аягаар дамжуулан уусан бөгөөд амны хаалт зүүгээгүй гэдгээ ярьцгааж байна. Тэдний энэ үйлдлийг байгууллагынх нь удирдлага мэдсэн бөгөөд хариуцлагын асуудал ч яригдаж байжээ. Өөрөөр хэлбэл, халдвар авсан жолооч тусгаарлагдаж байгаагүй, нийгмийн амьдралд чөлөөтэй оролцож байсан гэсэн үг.

Жолооч Б-ын аав, ээж, эхнэр нь халдвар авсан нь шинжилгээгээр батлагдсан бөгөөд харин хамт салхинд гарсан ажлынхнаас нь халдвар илрээгүй аж. Гэвч давтан шинжилгээнүүдийг авахаар тусгаарлаад байгаа юм байна.

Хаха 51 381 Буруу 52 Гайхмаар 80 Харамсалтай 10 Хөөрхөн