ШҮГЭЛ ТАС, АВЛИГАЧ НАВТГАС...

Tsahiur news • Нийтлэлч

ШҮГЭЛ ТАС, АВЛИГАЧ НАВТГАС...

2023-03-10 • 1 мин унших

Хуулийн сэлэм гялсхийж, хулгайчийн толгой бондгосхийхийг иргэд хүлээж итгэл цөхөрсөөр удсан билээ. Тэгвэл Засгийн газраас санаачилсан “5Ш” ажиллагааны нэг хэсэг болох “Шүгэл”-ийн дуу өнөөдрөөс албан ёсоор шунгинаж эхэллээ. Хэдийгээр өөрийн эргэн тойронд буй хууль бус үйлдлийн талаар нийтэд мэдээлж мэдэгдэх нь иргэн бүрийн үүрэг боловч эргээд өөрийг нь хамгаалж, урамшуулах эрх зүйн орчин төлөвшөөгүйгээс шалтгаалан хүмүүс тэр бүр дуугарч чадахгүй жийрхдэг байв. Нөгөөтээгүүр нийгмийн бухимдлаа тайлах ганц талбар болох цахим орчинд мянгантаа бичивч яг л хаданд хашхирсан мэт эргээд баахан цуурайтахаас хэтэрдэггүй. Харин одоо төр засгаас чиглэл тус бүрээр тусгайлсан ажлын хэсэг байгуулж, иргэний үлээсэн шүглийн дагуу ямар арга хэмжээ авахыг нэн тодорхой болгож буй тул нийтийн эрх ашгийг хохироосон, хохироож болзошгүй асуудлын талаар Таны илчилсэн мэдээлэл замаасаа замхарч алга болохгүй. Заавал шийдэлд хүрэх зохицуулалттай болж байна.

Тиймээс иргэн Та аль нэг төрийн эрх бүхий байгууллага хүнд суртал гаргаж, хүндрэл чирэгдэл учруулж байвал, хэн нэг албан тушаалтан авлига авсан өгсөн байж болзошгүй хардлага сэрдлэг байвал нэн даруй Шүгэл ажиллагааг хэрэгжүүлэх ажлын хэсэгт мэдэгдээрэй. Мэдээлэл авах сувгууд үргэлж нээлттэй байхын зэрэгцээ Засгийн газрын Иргэд, олон нийттэй харилцах “11-11” төв баасан гараг бүрийн 09-12 цагт иргэдтэй биечлэн уулзах хуваарь гаргасан.

Авлига, гэмт хэргийн талаар мэдээлэл өгөх /шүгэл үлээх/ нь хаалттай нийгмийн үеийн “матаас”, “бөгс ухах” зэргээс тэс өмнөө ойлголт бөгөөд авлигатай тэмцэх, урьдчилан сэргийлэхэд онцгой ач холбогдолтой. Жишээ нь, олон улсын “Транспэрэнси интернэшнл” байгууллагаас судалгаа хийж “Авлигатай тэмцэх хамгийн үр дүнтэй арга юу вэ?” гэж иргэдээс асуухад олонх нь “Мэдээлэх” гэсэн хариулт өгчээ. Яагаад үр дүнтэй байдаг вэ гэвэл мэдээлэх үйлдлийг хялбаршуулж, идэвхжүүлэх тусам авлига авахыг санаархагчид өөртөө цензур тогтоож эхэлдэг. Өөрөөр хэлбэл, албан өрөөндөө авлигын мөнгө тоолж, оймсондоо чихэж, орныхоо гудсан доор овоолдог цагаандаа гарсан задгай байдал цэгцэрнэ гэсэн үг. Авлига авах хүсэл сонирхол хэчнээн байвч аливаад болгоомжтой хандаж, хана туургаа чагнаж, хажуу хавиргаасаа цэрвэж эхэлнэ. Нэгдүгээрт, авлигачид айдастай болж, албан тушаал, эрх мэдэлтэй хүмүүсийн хариуцлага нэмэгдэх, хоёрдугаарт, иргэдийн итгэл сэргэж, төр засагтайгаа хамтран ажиллах боломжтой болсонд “Шүгэл” ажиллагааны хамгийн гол ач холбогдол оршиж байна.

Удахгүй энэ хаврын чуулганаар Шүгэл үлээгчийн эрх зүйн байдлын тухай хуулийг эцэслэн баталснаар авлигатай тэмцэх үйл ажиллагаанд томоохон өөрчлөлт гарах хүлээлт бий. Энэ хууль хэрэгжиж эхлэхээр шүгэл үлээгчийн аюулгүй байдлын баталгаа илүү сайжирч, чамгүй өндөр дүнтэй урамшуулал олгодог болно. Цаашид шүгэл үлээх нэрээр бусдын нэр төрд халдах, өс хонзонгийн сэдэлтэй сөрөг үйлдэл хийж болзошгүй тул энэ чиглэлийн зохицуулалтыг ч хуулийн төсөлд нэлээд тодорхой тусгасан байна.

Шүгэл үлээгчид олгох мөнгөн урамшууллыг дараах байдлаар тооцохоор хуулийн төсөлд тусгажээ.
- Тавин сая хүртэл төгрөгийн 15 хувийг;
- Тавин саяас хоёр зуун тавин сая хүртэл төгрөгийн 10 сая төгрөг дээр 50 сая төгрөгөөс давсан дүнгийн 12 хувийг;
- Хоёр зуун тавин саяас нэг тэрбум хүртэл төгрөгийн 36 сая төгрөг дээр 250 сая төгрөгөөс давсан дүнгийн 10 хувийг;
- Нэг тэрбумаас хоёр тэрбум хүртэл төгрөгийн 113 сая төгрөг дээр 1 тэрбум төгрөгөөс давсан дүнгийн 6 хувийг;
- Хоёр тэрбум, түүнээс дээш төгрөгийн 173 сая төгрөг дээр 2 тэрбум төгрөгөөс давсан дүнгийн 4 хувийг.
- Мөнгөн урамшууллын хэмжээ нь 100 мянган төгрөгөөс 1 тэрбум 500 сая төгрөг хүртэл байна.

Урамшуулалтай холбоотой зардлын эх үүсвэрийг гэмт этгээдээс төлүүлэх торгууль, нөхөн төлбөрөөс хувь тооцож гаргуулах учраас улсын төсөвт ямар нэг дарамт үүсгэхгүй. Мөнгөн урамшууллын механизм ажиллаад эхлэхээр хэн хүнгүй хэрэг зөрчлийн хажуугаар хэлээ хазаад өнгөрөхгүй. Жишээ нь, 10 тэрбум төгрөгийн дүнтэй хэргийн талаар шүгэл үлээсэн хүн 493 сая төгрөгийн урамшуулал авах боломжтой гэсэн үг.

Ийнхүү хаа сайгүй шүгэл тачигнаад ирэхээр хэн дуртай нь авлига авдаг өгдөг, албан тушаалаараа эрдэж барддаг байдал эрс багасна. Энэ бүхнээс харахад “Шүгэл үлээх” гэдэг нь зүгээр нэг алтан хошуу өргөх төдий бус авлигачдын зүрхэнд шар ус хуруулах, нийтээрээ нүд чихээ нээх ач холбогдол, үр нөлөө өндөртэй үйл ажиллагаа гэдэг нь ойлгогдоно.

Нийт сэтгэгдэл (0)

АНХААР! Сэтгэгдэл хэсэгт ёс бус бичвэр оруулахыг хориглоно.

ШҮГЭЛ ТАС, АВЛИГАЧ НАВТГАС...

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл (0)

Сэтгэгдэл

Нэр

Оюутолгойн гүний уурхайн 200 ажилтан хугацаагүй ажил хаялт зарлажээ

‘Шүүр ажиллагаа’-ны хүрээнд хэрэгжүүлэх ажлын талаар танилцууллаа

Paparazzi.mn сайтаас сэтгүүлч Сумъяад туслах хандивын аян эхлүүллээ

Шарын гол- Дархан чиглэлийн зам цөмөрчээ

МАН-ын Хяналтын хороо өнөөдөр хуралдаж зарим гишүүдийнхээ намын гишүүнчлэлийг түдгэлзүүлнэ

Баруун аймгуудын зарим газар, төвийн аймгуудын хойд хэсгээр бороо, нойтон цасорж, цасан шуурга шуурна

Хойд эцэгтээ зодуулсан гурван настай хүүгийн ээжийг яллагдагчаар татна

Маргаашнаас ихэнх нутгаар цас орж, эрс хүйтрэхийг анхааруулж байна

Э.Сумъяажаргал гэх эмэгтэй эрүүгийн 15 этгээдийг хөлсөлж, бусдыг хүчиндүүлж, зодуулсан хэрэг ил боллоо

Сүхбаатар аймаг дахь "Андын илч" уурхайд зэвсэглэн очсон бүлэглэлийн ахлах нь Ука хочит Л.Алтанхуяг байжээ

Хууль бус цахим мөрийтэй тоглоомын сайт ажиллуулж иргэдэд 2.1 тэрбум төгрөгийн хохирол учруулжээ

Хүний амь хөнөөж, таксины жолоочийн биед халдсан этгээдийг баривчиллаа

"Дэлгэрэх" хотхоны оршин суугчид замын туршилтыг эсэргүүцэл хийж зам хаажээ

Ц.Хулан: Авлигад живсэн Монголын улстөрчдөд эх орноо гэсэн сэтгэлтэй бүсгүйн амь хэрэгтэй бол би амиа өгөхөд ч бэлэн байна!

Монгол Улсын эрүүл мэндийн салбарт ажилладаг нийт их эмчийн 77% нь эмэгтэй, 23% нь эрэгтэй эмч

С.Эрдэнэд байгаа тамгыг хүчингүй болгуулахаар хандсан ч шүүх хүлээж аваагүй байна

4 дүгээр сарын 1-нд ихэнх нутгаар нойтон цас орж, цасан шуурга шуурч, эрс хүйтэрнэ

Капитал банкыг улсад 140.4 тэрбум төгрөгийн хохирол учруулах нөхцлийг бүрдүүлсэн А-д 2 жилийн тэнцэн харгалзах ял оноолоо

УЕП Б.Жаргалсайхан: Гишүүний бүрэн эрхийг түдгэлзүүлээгүй тохиолдолд, мөрдөгч тэдэнд нэгжлэг хийсэн ч хууль зөрчсөн болно

"10 цаг хуралдаад, санал нэгтэйгээр түдгэлзүүлэхээр шийдлээ"

Б.Чойжилсүрэн: Эрдэнэбүрэнгийн УЦС барих бэлтгэл ажлыг 2024 онд дуусгана

Сэрэмжлүүлэг: Таксины жолооч үйлчлүүлэгчээ хүчиндсэн хэрэг гарлаа

Шүүх: О.Мөнхжинг үргэлжлүүлэн хорих бодит нөхцөл тогтоогдоогүй

ШҮҮХ: Б.Гантигийн биеийн байдлыг харгалзан үзэж, цагдан хориог цуцлав

Түгжрэлийг бууруулах шийдэл бий...

Сүхбаатар дүүргийн Социал Демократ Монголын Эмэгтэйчүүдийн холбооны даргаар Ё.Нямжав сонгогдлоо

Холимог систем хохиролтой атал МАН яагаад дэмжив?

Нийт нутгаар хур тунадас орохгүй

С.Амарсайханы 1302 мКв ХАУС

У.Бямбасүрэн: Сонгон шалгаруулалтаар GS25 шаллгарч, Төрийн ордонд үйл ажиллагаа явуулахаар болсон

Сэтгүүлч Б.Анхбаярын цагдан хориог нэг сараар сунгажээ

БНСУ-д зорчих иргэдэд өгөх мэдээлэл, зөвлөмж шинэчлэгдсэн байна

Дорнодод овоолсон зээр 428 байгаагийн 286 нь янзага байна

Хэйлли Бибэр Сэлена Гомез хоёрын драма дуусав уу?

БНХАУ-ын Шанг Гоу Зи ХХК-ны данснаас 10 сая төгрөг шилжүүлж авсан хэргийг шүүхэд шилжүүлжээ

“MGM.Casino” гэх нэртэй мөрийтэй тоглоомын сайт ажиллуулж, иргэдийг 2,1 тэрбум төгрөгөөр хохироосон хэрэг дээр яллах дүгнэлт үйлджээ

Д.Ундраа: 3 хүүхэд тутмын 1 нь нийгмийн орчноос үүдэлтэй эрсдэлтэй, 4 хүүхэд тутмын 1 нь гэр бүлийн орчиндоо хүчирхийллийн эрсдэлт нөхцөлд амьдарч байна!

Тэмцэгч Б.Жагарын намыг бүртгэхээс татгалзжээ

Ойрын өдрүүдэд ихэнх нутгаар цаг агаар тогтуун, дулаан байна

Д.Ганбат: Би Английн Лийдс гэх хотод очиж үзээ ч үгүй байхад намайг тэнд БЗС-аар сурсан гэж худал мэдээлэл гаргасан!

Хойд Солонгос өнөөдөр 2 пуужин галлалаа

Б.Пүрэвдорж: Жижиг Тавантолгой компанид Бүрэн эрхт төлөөлөгч томилогдсоноос хойш 1кг нүүрс ч гаргаагүй!

МАН-ын бүлэг Халдашгүй байдлын дэд хороо хуралдсаны дараа бүрэн эрх нь түдгэлзэх гишүүдийн асуудлыг авч хэлэлцэнэ

“VERA” гоо сайхны эмнэлгийн эмч үйлчлүүлэгчээ хохироогоод, БНХАУ руу зугтжээ

Өмнөговийн иргэд УИХ-ын дарга Г.Занданшатарт хүсэлт хүргүүллээ

АН: Д.Бат-Эрдэнэ гишүүнийг хоёрхон удаа дуудаж байцаачихаад, хэлмэгдүүлэх гэж байна

БНХАУ-ын иргэн Wu XIA буюу Туяа, хамтран амьдрагч Цогтбаатартай нийлэн “Андын илч” уурхайг тэрбум төгрөгийн өрөнд оруулаад зугтжээ

"Кинг тауэр" хотхоны СӨХ байр болгоны дор номын сан, ширээний теннис, шатар даамны булан зэрэг олон ажлууд хийжээ

Ойрын хоногуудад ихэнх нутгаар цаг агаар тогтуун, дулаан байна

Монголын баг Филиппинд нэмэлт цагт 6:7-гоор хожигдлоо

Талийгаач "Хүүгийнхээ төрсөн өдөрт бэлдье" гээд гэрээсээ гарчээ

Эмч нар ирсний дараа Т.Их-Уул өндрөөс үсэрчээ

"Дүүгийн минь ходоод бөмбөг шиг л задарсан учраас бүхэлд нь авсан гэж эмч хэлсэн"

Хүчингийн хохирогч- 15 настай ээж

Туркийн асрамжийн газарт 25 кг болтлоо турсан монгол бүсгүй үхэлтэй тэмцэж байна

Зөнч Д.Мягмарбаяр: Коронавирус бол хүн төрөлхтөний үйлийн үр юм, хугацаатай учир замхарна

Оюутолгой компанийн ажилтан ажлын байрандаа нас баржээ

Яруу найрагч Д.Галсансүхийг хоёр хүний амь нас хохироосон гэж үзлээ

Талийгаач "И" хамгийн сүүлд ээж рүүгээ ярьжээ

Г.Ганжаргал агсны амиа алдсан гэх өрөөнөөс туршилт хийжээ

Сагсчин залуус маргалдаж нэгийгээ хутгалан хөнөөгөөд, өөрөө өндрөөс үсэрчээ

Х.Янжингаажид: Асуудлаа улс төртэй холбож, намайг явдал суудалтай болгож буй нь хөх инээд хүргэлээ

Өндрөөс унасан 13 настай охин гэмтлээ даалгүй нас баржээ

Энэ сард хүүхдийн мөнгө, тэтгэвэр, тэтгэмж олгох ХУВААРЬ

Ноцтой зам тээврийн ослын улмаас 11 хүний амь хохирлоо

11 настай хүү үеэлээ мэс ашиглан хөнөөсөн гэх хэрэг “задарчээ”

Эмнэлэгт оношоо сонсон улмаар сэтгэлээр унаж амиа хорложээ

Охины 2 гар улайж, хавдсан нь багшийн цохилтоос үүссэн үү?

Хүү нь Асрамжийн газарт хүчирхийлэлд өртсөнийг гэрийнхэнд нь гурван сарын дараа хэлжээ

Сураггүй алга болсон охиныг найзынх нь ахын гэрээс олжээ

​​Тэтгэвэр, тэтгэмж, хөнгөлөлт, тусламжийн хоёрдугаар сарын олголтын хуваарь

“Битгий хүүхэд зодоод бай гэж аавд нь хэлээрэй” гэж өнгөрсөн жил багш охины ээжид хэлж байжээ

"Хүүгийнхээ хаана, ямар байдалтай байгааг мэдэж, уулзмаар байна"

Булганы ЗД Б.Ариун-Эрдэнэ 13 эмэгтэйг хил давуулан худалдаалсан этгээдийг “дарга” болгож, төрийн албыг уландаа гишгэв

Вакцин тариулах хориотой тохиолдлуудыг Хятадын сайтад нийтэлжээ

Тэтгэвэр, тэтгэмж, хөнгөлөлт, тусламжийн хоёрдугаар сарын олголтын хуваарь