АНХААР: Эрдэнэт үйлдвэр "Шилэн данс"-наас мэдээлэл устгаж, гүйлгээний утгыг өөрчиллөө

Ж. Нямсүрэн
Ц.Анхзул - Сэтгүүлч
4 сар өмнө
АНХААР: Эрдэнэт үйлдвэр "Шилэн данс"-наас мэдээлэл устгаж, гүйлгээний утгыг өөрчиллөө

Эрдэнэт үйлдвэрийн захирал Х.Бадамсүрэн охин Б.Буянжаргалынхаа сургалтын төлбөр болох 102.3 сая төгрөгийг байгууллагаараа төлүүлсэн мөн Эрдэнэт ТӨҮГ-ын Хамтын ажиллагаа, нийгмийн асуудал хариуцсан орлогч захирал Д.Дэлгэрбаяр "Эмчилгээний зардал" гэж 219,063,796₮ үйлдвэрээс гаргуулан авсан баримтыг өнөө өглөө /2020.10.30/   иргэн Б.Цогтгэрэл нийтэлсэн юм.

Тэгвэл уг мэдээллийг Шилэн дансанд засварлан өөрчилж, бас устгасан байна. Тодруулбал, Х.Бадамсүрэнгийн охин Б.Буянжаргалын сургалтын төлбөр төлсөн мэдээллийг Шилэн данснаас ор тас устгасан бол Д.Дэлгэрбаярын эмчилгээний зардлын утгыг өөрчилж, “дараа тайлан” нэртэй болгожээ.

Төрийн өмчит байгууллагуудын удирдлагууд компанийнхаа төсвөөс хувийн хэрэгцээндээ ийнхүү замбараагүй зарцуулж байгаа асуудлыг хязгаарлах талаар ЗГХЭГ-ын дарга Л.Оюун-Эрдэнэ мэдээлэхдээ “Төрийн өмчит байгууллагуудад урамшууллын асуудал байдаг ч хязгаарлах ёстой гэсэн байр суурийг Ерөнхий сайд өгсөн. Энэ дагуу шалгалтууд хийгдэнэ” гэж мэдэгдсэн нь саяхан. Тэгвэл төрийн өмчит ХХК-ийн төсвөөр хувьийн амьдралаа “цэцэглүүлж” яваа баримт нь гарангуут мэдээллийг устгадаг, засварладаг үйлдэл ийнхүү гарлаа. Энэ нь асуудал нь замбараагүй зарцуулалт дээрээ нэмээд төрийн мэдээллийг өөрт ашигтайгаар өөрчилж байгаа хэлбэр болон харагдаж байна.

Хаха 4 58 Буруу 8 Гайхмаар 7 Харамсалтай 2 Хөөрхөн

Сэтгэгдэл бичих

АНХААР! Сэтгэгдэл хэсэгт ёс бус бичвэр оруулахыг хориглоно. *

Сэтгэгдэл

Нийт сэтгэгдэл 29